TVRI YOGYAKARTA NEWS – HENDRY-ENDAH
Budidaya janganan pancen taksih nggadahi kalodangan sae amargi panyuwunan ingkang kathah. Ananging kemawon kadang tani kedah ngadhepi ama lan sesakit ingkang saged ngedhaaken bobot kuwalitas asil panen.
Kados mekaten menika taneman janganan bayung ingkang dipun budidaya dening saweneh kadang tani ing Sanden Bantul. Ing lahanipun piyambakipun nanem manekawerni taneman janganan ingkang ing wekdal sakmenika dipun rebasa dneing ama lan sesakit. Salah setunggalipun taneman janganan ingkang dipun rebasa sesakit inggih menika taneman bayung. Asiling budidaya taneanm bayung menika saktlerman ketingal sae, ananging kemawon kanyata kathah ama ule ringkang ngrebasa peran ronipun. Inggih ama uler menika ingkang nalika wekdal jawah gunggungipun tansaya kathah. Kados naklika ing purwakaning nanem bayung ingkang taksih wonten jawah menika. Kangge ngawekani bab menika piyambakipun kanthi ajeg niti priksa taneman bayung gadhahanipun kanthi mbucal uler ingkang nemplek wonten ing ron bayung. Kejawi menika ugi dipun semprot ngginaaken insektisida. Taneman mbayung gadhahanipun menika sampun ngancik umur kawandasa gangsal dinten. Taneman janganan menika saged dipun panen kaping tiga ing setunggal mangsa tanem kanthi jarak wekdal watawis sedasa dinten. Taneman mbayung menika, sanadyan gampil sanget katerak ama uler, ananging tetep mujudaken setunggaling komoditi pertanian ingkang dados pilihan ingkang sae. Ingkang kedah dipun betahaken inggih menika langkung greteh anggenipun ngrimat. Pawitan ingkang dipun dalaken namung sekedhik, ananging reginipun kapetang ajeg.
