TVRI YOGYAKARTA NEWS – WIDI-HARIF YUDA
Para pamirsa, ing saktengahing pedamelan ingkang mboten wonten kenbdhatipun, ndamel bakul sayur kliling utawi eyek, dipun antu-antu dening kaum ibu ingkang mboten gadhah kalodhangan wekdal tindak peken badhe blanja.
Wiwit tabuh tiga enjing ibu sutirah warga saking Salakan Baturetno, Banguntapan Bantul, sampun wungu lan kedah tumnuju peken kota gedhe, saperlu kulanan janganan, jajan pasar, bumbon, woh-wohan engga manekawerni nyamikan. Sasampunipun kulakan saking peken kota gedhe, saklajengipun ibu sutirah ngginaken pit montor wiwit ngubengi kampung-kampung ing laladan Baturetno saperlu nyade daganganipun, awrating dagangan ingkang langkung saking setunggal kwintal, mboten karaos awrat kapandhingaken kaliyan awrating sesanggeman nyekapi kabetahan kulawarganipun. Ibu sutirah ngayahi pedamelan dados bakul janganan, sampun kawan dasa pitu tahun, saderengiupun namung dipun gendhong, saklajengipun ngginaken pit onthel, lan ing pungkasaning wekdal menika sampun ngginaken pit montor. Pait manising babakulan kanthi cara dipun ideraken sampun dipun rasoaken, bebatehan ingkang maremaken ugi nate dipun tampi, ananging kapitunan ageng ugi sampun nate dipun temahi. Sedaya wau dipun tampi kanthi syukuring manah, lan mboten nate sambat menapaden nggresula. Miturut ibu sutirah ageng aliting asil ingkang katampi mujudaken rejeki saking gusti ingkang akarya jagad, ingkang wigati piyambakipun tetep makarya supados dapuripun tetep ngebul lan saged paring sangu sekolah dhumateng wayahipun. Lampah gesanging ibu sutirah menika saged dados setunggaling tuladha ing satengahing tasih kathainipun warga langip, kanthi jiwa ingkang mandireng pribadi saged angruipta setunggalong pakaryan tumprap diri pribadhinipun, sarta mboten gumantung dhumateng bebanton pamarintah menapaden e ngasanes. Kesuksesasn miturut ibu sutirah mboten kedah anggadhai tetumpakan ingkang sae, lan papad padunungan ingkang magrong-magrong , saged nyekapi kabetahaning kulawarga, sampun cekap.
