TVRI YOGYAKARTA NEWS – ADI NGUROHO-WENDY
Pamirsa, taneman jarak kepyar kathah kathahipun ugi namung dipun dadosaken taneman kangge ijem ijem laladan kemawon, kamangka saestunipun taneman menika ugi kebak mupangat minnagka taneman industri lan taneman herbal.
Kados mekaten menika wujudipun taneman jarak kepyar ijem. Saged kawuningan, tanemana jarak kepyar menika kathah tuwuh ing pekawisan menapadene kebon kangge taneman ingkang dipun dadosaken pager minangka bates. Dereng kathah ingkang mangertosi bilih taneman menika saestunipun ugi kebak mupangat. Lisah ingkang dipun pundhut saking wiji jarak wulung menika awis sanget lan migunani kangge kabetahan industri, komestik menapa dene donyaning pangusadan. Lisah ingkang kadamel saking wiji jarak ingkang dipun suling dipun sebat lisah kastor. Mboten namung menika, perangan ron jarak kanyata ugi kathah dipun mupangataken dneing para herbalis sarta pangusada tradisional kangge bahan obat. Ron jarak ngandet setunggaling senyawa kimia aktif kadosta alkaloid, astraagalin, fitonutrien nicotiflorin, kaemferol ingkang miginani sanget ing donyaning pangusadan. Ron jarak menika ugi asring dipun dadoskaen minangka obat sakit waja, sakit padaran, sariawan sarta damel timbangipun kadar gendis ing rah. Skaing sakathahing mupangat menika, temntunipun eman sanegt menawi taneman jarak mekaten dipun kendhelaken tanpa dipun mupangataken.
