TVRI YOGYAKARTA NEWS – RIZAL-WIDI-HARIF YUDA
Para pamirsa, menawi panjenegan badhe pados daharan mirunggani ingkang gadhah raos manis lan gurih panjenegqan saged ngedahpi jenang sumsum. Daharan menika menika mboten namung arupi setunggaling menu mirunggan, ananging ugi wonten makan filosofis ing sewalaikipun daharan jenang sumsum.
Jenang sumsum mujudaken salah setrunggaling bandha bandhuning kuliner Indonesia saking tanah jawi, inghkang dipun damel saking wos ingkang dipun mangsak kladosdene bubur ingkang dipun jangkepi wontenipun juruh sarta santen. Ing laladan Ngayogyakarta jenang sumsum kalebet seyungaling kilner ingkang legendaris, salah setunggalipun inggih kados ingkang dipun sade ibu suratijah saking Bejen, Kalurahan Bantul menika. Suratijah piyambak sampun nyade jenang sumsum menika wiwit puluhan tahun lan mujudaken usaha ingkang sampun run tumurun saking tiyang sepuhipun. Raos gurih lan manmis jenang sumsum tansah dipun remeni dening sutresnanipun, mboten maiben bilih daganganipun menika tansah laris saben dintenipun. Saben dintenipun ibu suratijah saged nelasakne bahan baken engga kalih kilogram wos.
Tumprap[ipun masyaraklat jawi jenang sumsum, gadhah makna filosofis ingkang inggil, saking werninipun ingkang petrhak kemawon sampun nedahaken resiking manah, saklajengipun jenang sumsum ingkang gadhah tekstur kenthel sarta lengket minagka pralambang persatuan lan kesatuan gesang ing bebrayan ageng. Kajawi mirsani wujudaipun ingkang pethak sarta tekturipun ingkang kentel lan lengketr, raos manis saking juruhipun ugi gadhah makna ingkang lebet inggih menika mralampitakaken kemakmuran, lan karaharjan. Ing masyarakat jawi jenang sumsum ugi dipun maknani minagka kangge ngicalaken raos sayah utawi tamba kesel. Bab menika gayut kaliyan tradisi mangsak jenang sumsum sasampunipun wontenipu8n acara palakrama. Padatanipun jenang sumsum badhe dipun dahar sedaya kulawarga lan tangga tepalihipun, awit saking pambiyantu lan pakaryan ingkang dipun adani saengga saged pulih kekiyatan otot bayunipun lan kaajab tansah pinaringan kasarasan lan berkah ing gesang bebrayan ageng.
