TVRI YOGYAKARTA NEWS – ADI NUGROHO-WENDY
Taneman enceng gondok mujudakan setunggaling gulma ingkang ing wekdal sakmenika gadah kalodangan ingkang sae, mboten namung kangge bahan kerajinan nanging ugi kangge bahan pakan ternak unggas mliginipun menthok.
Kados mekaten menika taneman enceng gondok ingkang kathah sumebar uing sepanjanging saluran irigasi ing laladan Kulonprogo Siring Kidul. Sak tleraman, saking kathahipun taneman enceng gondok ingkang tuwuh kanti mardika ing saluran irigasi menika, kados taneman budidaya, ketingal subur lan grembuyung ronipun. Kathah ingkang ndugi bilih enceng gondok menika kathah dipun mupangataken dening warga minangka bahan kangge kerajinan kemowon. Nanging kanyata, kathah warga ingkang ugi mupangataken enceng gondok menika kangge bahan pakan ternak unggas, mliginipun menthok. Adi Rahman, warga Galur sampun dangu manen enceng gondok menika lan dipun ginaaken kangge pakan menthok. Sinten ingkang nyana bilih kanyata kejawi saged ngirit beya, menthok ingkang dipun sukani pakan enceng gondok menika kanyata ugi dados cepet ageng lan mboten gampil kenging sesakit. Adi Rahman waleh, menthokjp remen sanget ngombor cacahan enceng gondok ingkang saklajengipun dipun campur katul lan sekul. Saben dinten adi rahman panen enceng gondok menika nfantos tigang karung langkung lan dipun sukaanen menthok kaping tiga, wanci enjing, siang lan sonten. Asilipun kanyata ugi murakabni sanget, bobot menthok ugi saged mindhak kathah. Kejawi menthok langkung dokoh, enceng gondok menika ugi damel ngirit beya pakan jalaran mboten kedah tumbas pakan nanging langsung mendhet ing irigasi.
