TVRI YOGYAKARTA NEWS – JATMIKO HADI
Kabupaten Kulonprogo kanyata gadahi manekawerni kesenian tradisional ingkang dereng katah dipun mangertosi dining masayarakat. Salah setunggalipun inggih menika kesenian krumpyung.
Kados mekaten menika kesenian krumpyung ingkang dipun segahaken dining klempakan kesenian srawung krumpyung, saking Kapanewon Kokap Kulonprogo. Menawi dipun tingali, kesenian krumpyung menika meh sami kaliyan kesenian karawitan, ananging ingkang mbentenaken menawi kesenian karawitan gamelanipun dipun damel saking kuningan, menawi kesenian krumpyung sedaya piranti gamelanipun dipun damel saking deling, wiwit saking saron, demung engga bonang. Mboten namung menika jumbuh kaliyan lampahing jaman, sawetawis piranti musik lan gamelan ugi dipun kreasi saking deling kadasta angklung lan kendang. Miterat sujarahipun, kesenian krumpyung menika rumiyinipun mujudaken asil karyanipun salah saweneh warga Tegiri Kalurahan Hargowilis Kapanewon Kokap Kulonprogo inggih menika sumitra ing tahun 1973. Padatanipun suwanten ingkang dipun asilaken saking piranti gamelan krumpyung menika gadahi ciri mirunggan piyambak lan ngasilaken nada pentatonis sawetawis piranti gamelanipun mujudaken jinis slendro. Kesenian krumpyung menika dipun paragakaken dinihg 8 dumugi 10 wiyaga lan kalih sinden jaler lan estri. Sawetawis menika tembang ingkang dipun segahaken radin – radin mujudaken tembang jawi, lagu dolanan tradisional engga tembang campursari lan moderen. Minangka kesneian asli saking kabupaten kulonprogo, sampun sak mestinipun kesenian krumpyung mekaten tansah dipun lestantunaken lan dipun mekaraken, kangge nambah khasanah keseniang tradisional ing laladan Kabupaten Kulonprogo khususipun lan ngayogyakarta umumipun.
