TVRI YOGYAKARTA NEWS – HENDRI-WENDY
Nindaaken budidaya taneman who ing pekawisan griya mujudaken setunggaling krida ingkang ndamel ayeming manah, kejawi saged kangge ndamel ijeming laladan ugi asiling panen ugi saged dipun dahar piyambak.
Kejawi taneman pasren, kathah warga masyarakat ingkang remen nindaaken budidaya taneman who ing pekawisan ipun. Kathah jinising taneman who ingkang sage didpun dadosaken pilihan, sakah setunggalipun inggih menika jeram bali. Kados ingkang kawuningan bilih jeram bali menika setunggaling jinis jeram ingkang ukuranipun ageng. Raosipun ingkang manis lan tekstur bulir jeram ingkang ageng ukuranipun ndadosaken jinis jeram menika kathah dipun remeni dening warga masyarakat. Sahid saweneh kadang tani ing laladan dusun pendulan sumeragung moyudan sleman ngandaraken bilih taneman jeram bali menika mujudakan jinis who ingkang saged tahan skaing manekawerni sesakit mliginipun sesakit CVPD ingkang dados mengsahipun kadang tani jeram amargi saged ndamel taneman jeram menika risak. Taneman jeram menika gampil adaptasi kaliyan lingkungans akiwa tengenipun, sae ing laladan ingkang garing menapamalih ingkang subur. Agengipun who jeram bali menika saged ngancik 2 kilo, werni bulir jeramipun abrit oranye lan raosipun manis radi kecut lan wonten raos getir-ipun. Taneman who jeram menika nggadahi kandhetan antioksidan lan vitamin C ingkang saged dados umbering vitamin C lan dipun pitados aged ngusadani manekawerni sesakit. Anggenipun ngrimat taneman who jeram menika ugi kapetang gampil kemawon ingkang baken kedah migatosaken kabetahan rabuk lan toyanipun kajumbuhaken kaliyan kawontenan taneman.
