TVRI YOGYAKARTA NEWS – HENDRY-ABDUL ROCHIM
Kejawi mujudaken setunggaling papan wisata pesisir ingkang endah, laladan Pandansari Gadingsari Sanden Bantul ugi nggadahi setunggaling camping ground ingkang endhum lan fasilitas ingkang jangkep.
Kados ingkang kawuningan bilih camping dados setunggaling agenda ing pawiyatan ingkang kathah dipun tindaaken. Mila ing Ngayogyakarta piyambak kathah tuwuh papan-papan kangge camping ingkang wonten ing alam. Salah setunggalipun inggih menika camping ground Pandansari ingkang wonten ing sakcelakipun pesisir Pandansari Gadingsari Sanden Bantul. Papan camping menika kapetang wiyar sanget ing sakngandaping wit-witan ageng ingkang edhum. Mila sanadyan mapan wonten ing sakcelakipun pesisir ananging hawanipun asrep. Ing papan menika ugi wonten steunggaling pendhapi, srana kamping, toilet ingkang kathah, papan parkir wiyar lan sakpiturutipun. Papan meika kathah dipun ginaaken kangge nindaaken krida camping dening pawiyatan menapadene pakempalan tinamtu. Sakiwa tengening camping menika ugi kathah manekawerni taneman budidaya inghkanhg dipun tanem dening kadang tani. Wontenipun manekawerni taneman olah tetanen wau saged kangge nambah ngelmi babagan donyaning olah tetanen. Kejawi menika ugi saged mangertosi manekawerni vegetasi alami ingkang wonten ing laladan menika. Setunggaling perkais ingkang kedah dipun gatiosaken inggih meinka kedah njagi karesikaning papan saking manekawerni uwuh, supados kawontenan lingkungan alam menika teterp ketingal endah.
